Dina awak sakujur aya dua unsur, nyaeta JASMANI jeung RUHANI
Di basakeun ku basa sunda jadi JISIM KURING
JISIM /JISMUN hartina Jasad, awak sakujur.
KURING/Abdi nyaeta Ruhani
1.JISIM / jasad, bakal BILATUNGAN
2. KURING/RUH, bakal BALITUNGAN
Kumargi kitu kahade ulah hayoh wae ngalus-ngalus jasad, sabab sakumaha geulis jeung kasep, da tungtungna pasti BILATUNGAN.
Ulah poho ka KURING/ABDI, sabab eta anu bakal BALITUNGAN payuneun Alloh.
Riksa diri, raksa awak, malah mandar salamet dunya aherat.
Kalimah Toyyibah :
*ﻻﺍﻟﻪ ﺍﻻ ﺍﻟﻠﻪ*
jumlahna aya 12 huruf, ngandung harti aya 12 kawajiban, nyaéta 6 kawajiban batin, 6 kawajiban dohir.
Kawajiban batin nyaeta Rukun iman anu 6.
Kawajiban dohir Rukun Islam anu 5 jeung tambah Ihsan 1. Jadi jumlah 12.
Lamun manusa geus IMAN, ISLAM tur nepi kana IHSAN. tegesna ngarasa neuteup jeung di teuteup ku Alloh, tangtu éta jalma boga rasa rumasa, bakal salamet hirup jeung kahirupanana.
Sabab teu aya deui cilaka nu pang gedé-gedéna, iwal ti CILAKA 12.
nyaéta manusa nu geus teu percaya ka Alloh teu maké Iman, Islam jeung Ihsan. Nu 12 huruf tadi .
*ﻻﺍﻟﻪ ﺍﻻﺍﻟﻠﻪ*
